هێنانی هێز لەلایەن ئەمەریكاوە بۆ نزیك ئێران و ئەگەری شەڕێكی گەورە لەناوچەكەدا بەردەوام بەهای تمەنی ئێرانی لە دابەزینە.
ئەمرۆ پێنجشەممە نرخی دۆلار بەرامبەر بە تمەن 8200 تمەن بەرزبووەتەوە و گەیشتووەتە 161 هەزار و 200 تمەن.
لە ماوەی 24 کاژێری رابردوودا، بەرزترین ئاستی نرخی دۆلار بەرامبەر بە تمەن 161 هەزار و 200 تمەن و کەمترین ئاستیشی 153 هەزار تمەن بووە.
لە ماوەی یەک هەفتەدا نرخی دۆلار بەرامبەر بە تمەن بەڕێژەی 14.41٪ و لە ماوەی شەش مانگیشدا بەڕێژەی 74٪ بەرزبوونەوەی بەخۆیەوە بینیوە.
ئەگەری سەرهەڵدانی شەڕ لە نێوان ئەمریکا و ئێران و کەمبوونەوەی سەرچاوە داراییەکانی ئێران بوونەتە هۆکاری دابەزینی بێوێنەی نرخی تمەن.
