دۆناڵد ترەمپ، سەرۆکی ئەمریکا، ڕەخنەی توندی لە دادگای باڵای وڵاتەکەی گرت، ئەوەش دوای ئەوەی دادگاکە بڕیارێکی ئیدارەکەی بۆ سنوردارکردنی "دەنگدانی بە شێوەی پۆستە" پێش هەڵبژاردنی مانگی 11 ڕەتکردەوە. ترەمپ دادگاکە بە "تەسلیمبوون بە فشاری دیموکراتەکان" تۆمەتبار دەکات.
هۆکاری کێشەکە چییە؟
• فەرمانەکەی ترەمپ: لە مانگی (ئازار/3)، ترەمپ فەرمانێکی بۆ توندکردنی مەرجی دەنگدان بە پۆست دەرکرد بە بیانووی ڕێگریکردن لە ساختەکاری.
• سکاڵای دیموکراتەکان: ویلایەتە دیموکراتەکان سکاڵایان تۆمار کرد و جەختیان کردەوە کە دەسەڵاتی بەڕێوەبردنی هەڵبژاردن لە دەسەڵاتی ویلایەتەکاندایە نەک حکومەتی فیدراڵی.
• هەڵوێستی دادگا: لە کۆی 6 دادوەری پارێزگار لە دادگای باڵا، تەنها 2 دادوەر لەگەڵ ترەمپ بوون. دادوەر (بریت کاڤانۆ) ئاماژەی بەوە کرد کە ڕەتکردنەوەی فەرمانەکە تەنها لەبەر کەمیی کاتی ماوە بۆ هەڵبژاردن بووە.
کاردانەوە فەرمییەکان
• لە تۆڕی (تروپ سۆشاڵ): ترەمپ نوسیویەتی کە دادوەرەکان لەبەر ترسیان لە دیموکراتەکان نەیانوێراوە بڕیاری پێویست بدەن، و ئەم سیستەمەی بە مەترسی بۆ سەر پرۆسەی هەڵبژاردن و "گاڵتەجاڕی جیهان" وەسف کرد، لە کاتێکدا زیاتر لە 30 وڵات ئەم سیستەمە بەکاردەهێنن.
• وەزارەتی داد: (تود بلانشی)، وەزیری داد، ڕایگەیاند کە سەرۆک ترەمپ هەست بە بێزارییەکی زۆر دەکات، بەڵام ئیدارەکەی بەردەوام دەبێت لە هەوڵدان بۆ گۆڕینی سیستەمی دەنگدانی پۆستی سەرەڕای بڕیارەکەی دادگا.
• ململانێی "دەنگدانی بە پۆست" لە ساڵی 2020 گەیشتە لووتکە، کاتێک ترەمپ ئەوکاتیش ئەم شێوازەی بە هۆکاری سەرەکی شکستی بەرامبەر بايدن دای نا.
• ڕەخنەگران ئاماژە بەوە دەکەن کە ترەمپ خۆی مانگی ڕابردوو لە فلۆریدا بە شێوازی پۆستە دەنگی داوە.
• ئەم دۆخە لە کاتێکدایە کە کێبڕکێی هەڵبژاردن لە 10 ویلایەتدا زۆر توندە و کۆمارییەکان ترسی ئەوەیان هەیە زۆرینەی ئەنجومەنی نوێنەران لەدەست بدەن.
