وەلید محەمەد سلێمان
سەرپەرشتیارێ پەروەردەیی
۱- یێ گەشبین بە کو دێ بسەرکەڤی و هەمی دەما هزر بکە کو سەرکەفتنا تە یا مسوگەرەو چ جارا نەرێنی هزرنەکە، سەرکەفتنا خۆ ل پێش چاڤێن خۆ دانێ و خۆ ل دوودلیێ و شەپرزەییێ بپارێزە و ترسێ نەهێلە.
۲- دەمێ خۆ ب شێوەیەکێ ڕێک و پێک رێك بێخە، دویربکەڤە ل سەرەدان و موبایل و تەلەفزیون و ئامێرێن ئەلیکترونی.
٣- جهەکی هەلبژێرە کو یێ گونجایی بیت بۆ خاندنێ چونکی هەلبژارتنا جهی کاریگەرییەکا زۆر باش لسەر خاندنێ هەیە .
٤- پێتڤی یە قوتابی ب شەڤێ زوو بنڤیت و سپێدێ زی هشیارببیت چونکی سپێدێ باشترین دەمە بۆ خاندنێ.
٥- ڕۆژێن تاقیکرنا ب جلێن فەرمی ل قوتابخانێ ئامادەبە.
٦- هەوڵبدە خوارنا تە یاتەندروست بیت چونکی خوارنێ کاریگەریەکا زۆر باش یا هەی ل سەر هزرو بیرێن قوتابی و نابیت قوتابی بێ خوارن بچیتە د ئەزموونێدا.
٧- پرسیارێ زۆر بباشی بخوینە و پاشی بەرسڤێ بدە چونکی تێگەهشتنا پرسیارێ نیڤا بەرسڤێ یە.
٨- ددەمێ بەرسڤدانێ دا لەزێ نەکە و مفای ل دەمێ دیارکری وەربگرە.
٩- ل دەست پێکێ بەرسڤا وان پرسیارا بدە یێن تۆ بەرسڤا وان ١٠٠٪ دزانی پاشی بەرسڤا پرسیارێن لدویڤدا بدە.
١٠- هەوڵ بدە هەمی پرسیاران بەرسڤ بدەی و چ پرسیارا بێ بەرسڤ نەهێلە.
١١- زۆر بباشی پێداچوونێ دبەرسڤان دا بکە بەری کو بەرسڤێن خۆ ڕادەستی مامۆستای بکەی.
١٢- خۆ ل هەمی جورێن کزێ و قوپیایێ دویر بکە.
١٣- پێتڤیێن ئەزموونێ وەك پێنڤیس، ژێبەر ...هتد. دگەل خۆ ببە.
١٤- ڕۆژێن بهێنڤەدانێ ب دەرفەت وەربگرە بۆ وان وانێت کوتە پێدڤی بباشتربوونێ هەی.
١٥- پشتی کو ئەزموون ب دوماهیک دهێت، ڤەگەرێ بۆ مال و بێهنا خۆ بدەو خۆ ئامادە بکە بۆ ئەزموونا دیفداو چ دانوستاندنا دەربارەی ئەزموونا بووری نەکە.
داخازا سەرکەفتنێ بۆ هەمی قوتابیان دخازین.
