عوسمان زیندانی
بیری ئێمە لای مرۆڤە هی ئەوان لای سەرمایە ، هەڵوێستی ئێمە لەپێناو مافی ئینسانیەتە هی ئەوان تەنها بۆ خۆیان ٠ حكومەتی هەرێم كە ٣٠ ساڵ زیاترە پێكهاتووە و دەسەڵاتی هەیە بەسەر داهات و باج و رسومات و گرتن وبردن وپلان ونەخشەی سیاسی و پەیوەندیەكانی دەرەوە و ناوەوەی هەرێمدا و خۆی بەخاوەنی ئەرزو ئاسمانەكەی دەزانێ ٠ بەڵام لەئاستی بەرپرسیارێتی مئژووی و مافی تاكەكانی ناو ئەم هەرێمە لەتو پەتكراوەدا شانی خۆی خاڵی كردۆتەوەو لەبەرپرسیارێتی ، هەر ڕۆژەی بیانویەك دەهێنێتەوە بۆ خۆ دزینەوە لەئەركی یاسایی وئەخلاقی و سیاسی كە كەوتۆتە سەر ئەستۆی٠ ڕۆژێك دەیانگوت هێشتا ئەزموونەكەمان ساوایە وئێمە هەر لەشۆڕشدا بووین٠ ڕۆژێكی تر بانگەشەی بوونی مەترسی دەوڵەتانی دراوسێیان كردبووە وێردی سەر زمانیان وكردیانە مۆتەكەی كپ كردنی ناڕەزایەتیەكانی خەڵك ٠ سەردەمێكیش توندڕەوی ئایینی وئیسلامی سیاسی كرایە بەهانەی ڕاگرتنی كاروانی پێشكەوتوو خوازی كەدەمێك ساڵ بوو هەوڵی بۆ درا بوو٠ ماوەیەكی تریش قەیرانی ئابووری ودارایی كرایە بیانوی بڕینی قوتی خەڵك و نەدانی دەرماڵە و دانەمەزراندنی گەنجەكان ڕاوەستانی پرۆژەكان٠ دەمێكی تر نەخۆشی كۆرۆنا بووە باشتری چارەسەر بۆ خۆدزینەوەی حكومەت لەپێشكەش كردنی خزمەتگوزاری گشتی بۆ هاونیشاتمانیان و مردنی سەدان كەس بووە ناونیشانی هەواڵەكان٠ ماوەیەكی درێژیشە دژایەتی عێراق و بوونی محكەمەی فیدرالی و پێنەدانی بودجە بووە بەهەوێنی دروست بوونی بێكاری و هەژاری و دواكەوتنی مووچە و بێ بازاڕی ٠ بەڵام باسی ئەوە ناكەن كە شەڕی ناوخۆ وهاوكاری دەوڵەتانی ناوچەكە دوور لە بەرژەوەندی نیشتمانی وهەراجكردنی ئابووری و بازرگانی و پرۆژەو ئیمكانێتی حكومەت و فرۆشتن و بەتاڵان بردنی كەرتی تایبەتی سەر بەخۆیان بەشێكی سەرەكی سیاسەت و بەرنامەكانیانە هەموویشی لە پێناو بەرژەوەندی چینایەتی وپاراستنی سەرو ماڵی خۆیانە ٠ ئێستا هاتوون ململانێ لەسەر دەنگ و كورسی دەكەن وهەریەكێكیان بۆ بەرژەوەندی خۆیان كار دەكەن لەكاتێكدا چەندین حزبی چەپ وبەدەیان كەسایەتی داوای یەك لیستی دەكات لە هەلبژاردنی ئەنجومەنی پارێزگاكانی عێراقدا تاكو هیوایەك بێت بۆ چارەسەری گرفتەكانی تر و ئیرادەی بەهیز تر ڕووبەڕووی ململانێ كردن ببینەوە لەگەل ئەو هێز ولایەنە تایفی و مەزهەبیانەی عێراق كە خولیای تاكڕەوی وناوەندێتی لەبەڕێوە بردنی دەسەلاتدا بووتە ئامانجیان ٠ ئەم جارەش ئێوە بەرپرسیار ی مێژووی دەكەوێتە ئەستۆتان و بەرژەوەندی خۆتان و حزبەكانتان خستە پێش بەرژەوەندی گشتی ٠ ئەمەیە جیاوازی نێوان ئێمە ئێوەكەهەڵقوڵاوی جیاوازە لەبیر و هەڵوێستدا٠ ئێمەش بەردەوام دەبین لە دژایەتی سیاسەت و بەرنامەكانتان چونكە بڕوامان وایە كە پرۆسەی هەڵبژاردن ناتوانێت ڕێگە چارەسەری تەواوەتی نەهێشتنی قەیرانی سیاسی وئابووری و كۆمەڵایەتیەكان. بێت لەسەر ئاستی ناوخۆیی و چارەسەریش بێت بۆ كۆتایی هێنان بەناكۆكیەكانی نێوان هەرێم و عێراق كەدرئەنجامەكەی تەنها خەڵكی هەژار ونەدار و مووچە خۆران لێی زەرەر مەند دەبن .
