رێگای كوردستان - فەرەنسا
رۆژی سێشەممە 2025/10/14 لاوكۆ عاڵایی، نوێنەری حزبی شیوعی كوردستان لە فەرەنسا، بە رێگای كوردستانی راگەیاند: هەشت حزبی هەر چوار پارچەی كوردستان لە وڵاتی فەرەنسا كۆبونەوە و كۆمیتەیەكی هەماهەنگی پێكدەهێنن بۆ بەرگــریڪردن لە بەرژەوەندییەڪانی گـەلی ڪورد لە وڵاتی فــــەرەنسا.
ئەو نوێنەری حزبی شیوعی كوردستان، ئاماژەی بۆ ئەوەش كرد: كۆبوونەوەكە زۆر باش بوو، گەیشتینە ئەوەی هەندێك بڕیار بدەین بۆڪاری هاوبـــەش و بەردەوامیی گفتوگوكرد بۆ هەماهەنگی زیاتر لەگەڵ حزبەكانی تر.
لاوكۆ عاڵایی وتیشی: بڕیارە لە 11/15/ 2025 لە وڵاتی فەرەنسا كۆبونەوەیەكی فروان ئەنجام بدەین كە تیایدا 11 حزبی هەر چوار پارچەی كوردستان بەشداری كۆبونەوەكە دەكەن و تیایدا رەشنوسێك ئامادەدەكرێت.
ئەوەشی خستەڕوو: دەمانەوێت لە رێگای ئەو كۆمیتەیە، پەیوەندیمان لەگەڵ رێكخراوەكان و لایەنەسیاسییەكانی فەرەنسا بەهێزبێت و داكۆكی لە مافی گەلی كورد بكەین.
ناوی حزبەكان:
پارتی ماف و ئازادی
حزبی دیموكراتی كوردستانی ئێران
كۆمەڵەی زەحمەتكێشانی كوردستان
پارتی دیموكراتی كوردستان
حزبی شیوعی كوردستان
پارتی دیموكراتی پێشڤەرۆی كورد لە سوریا
پارتی سۆسیالیستی كوردستانی باكوور
پارتی وڵاتپارێزی كوردستان
