سکرتێری کۆمیتەی ناوەندی حزبی شیوعی عێراق پێی وایە ئیدارەدانی دارایی ووڵات ئیدارەدانێکی خراپەو پێویستە گۆڕانکاری تێدا بکرێت.
ڕائد فەهمی سکرتێری کۆمیتەی ناوەندی حزبی شیوعی عێراق ڕایگەیاند،دواخستنی خەرجکردنی مووچەی خانەنشینان ئاماژەییەکی خراپە بۆ دۆخی سیاسی و ئابوری عێراق و پێویستە لەسەر حکومەت مووچەی خانەنشینان پێش بخات و لەڕیز بەندی یەکەمی مووچەدابێت.
ڕائد فەهمی جەخت لەسەر خراپی ئیدارەدانی دارایی ووڵات دەکاتەوەو بەپێویستی دەزانێت گۆڕانکاری لە هەیکەلی بودجەدا بکرێت،هەرچەندە پێی وایە حکومەتی پشک پشکێنە توانای گۆڕانکاری نییە.
جێگای باسە چوار ڕۆژ دواکەوتنی دابەشکردنی مووچەی خانەنشینانی عێراق،حکومەتی سودانی و وەزارتی دارایی ڕوبەڕوی سەدان ڕەخنە کردووەتەوە.
