بەپێی پێشبینی كەشناسی لەم دوومانگەی پایزدا باران كەم دەبارێت و بەڵام لە سەرەتای مانگی 12 وە بارانێكی زۆر بەسەر هەرێمدا دەبارێت.
کەشناس ئاراس جەبار سەبارەت بە پێشبینی سەنتەرە جیهانیەکانی کەشوهەوا بۆ هەرێمی کوردستان بڵاویکردوەتەوە" پێشبینی سەنتەرە ئەمریکیەکان کە لە نوێبوونەوەکاندا دووبارە ئەبێتەوە، ئاماژە بە وشکی ئەم مانگە و مانگی 11ی داهاتووش ئەکات، بەڵام بۆ مانگی 12 پێشبینیەکی جیاواز جاروبار دووبارە ئەبێتەوە کە لەو مانگەدا بارانبارین لەناوچەکانی هەرێمی کوردستان و وڵاتانی ناوچەکە بەرزببێتەوە و لەسەروو رێژەی ئاسایی باران دەبارێت، بەڵام ئەم پێشبینیە لەسەنتەرە ئەوروپیەکان پێچەوانەیە و هەمان باروودۆخی وشک بۆ مانگەکانی 11و 12 چاوەروان دەکرێت".
